اگر محمد رسول اللہ صَلَّى اللّٰهُ عَلَيْهِ وَسَلَّم اک دن تم سے ملنے آ جائیں

نیرنگ خیال_ایک فکری واردات!!

اگر محمد رسول اللہ صَلَّى اللّٰهُ عَلَيْهِ وَسَلَّم  اک دن تم سے ملنے آ جائیں

اگر محمد رسول اللہ صَلَّى اللّٰهُ عَلَيْهِ وَسَلَّم  اک دن تم سے ملنے آ جائیں۔۔۔ با لکل اچانک تشریف لائیں

میں حیران ہوں کہ تم کیا کرو گے۔ ۔۔۔۔۔کیا کرو گے

ہاں میں جانتا ہوں۔ ۔۔۔۔تم اپنا سب سے بہترین کمرہ۔ ۔۔۔۔اپنے محترم مہمان کو پیش کرو گے

سب سے عمدہ سب سے اعلی۔ ۔۔۔۔۔طعام کا اہتمام کرو گے۔اپنی ہر بات سے انہیں احساس دلاو گے

کہ ان کی آمد سے تم بہت خوش بہت دلشاد ہو۔ ۔۔۔۔۔ان کی آمد تمھارے لئے اعزاز ہے

اک ناقابل مسرت بیان۔ ۔۔۔۔۔۔اور مسلمان کا اک حسین خواب ہے

لیکن! جب تم انہیں آتا دیکھو گے۔ ۔۔۔۔۔۔۔کیا ان سے دوڑ کے دروازے پہ مل پاو گے

ان کے استقبال میں اپنے بازو وا کر سکو گے؟ ۔۔۔۔۔۔۔۔یا ان کی اندر آمد سے پہلے ہی تمہیں

اپنا لباس تبدیل کرنے دوڑجانا پڑے گا۔ ۔۔۔۔۔۔۔ان کی نظروں سے چھپا کے تمام رسائل ہٹا کے

قرآن پاک سجانا پڑے گا۔ ۔۔۔۔۔۔پھر کیا تم اپنےٹی وی پر وہی لباس

وہی مناظر دیکھ سکو گے۔ ۔۔۔۔۔یا ان کی نظر پڑنے سے پہلے ہی

دوڑ کر اپنا ٹی وی بند کرو گے۔ ۔۔۔۔۔کیا اس خواہش پرکہ ان کی سماعت سے

تمہارا ریڈیو، تمہارا ٹی وی، تمہاری سی ڈیز، تمہاری ڈی وی ڈیز دور رہیں۔ ۔۔۔۔۔۔ان سب کو کہیں چھپا دو گے؟

اور پچھتاو گے کہ کاش۔ ۔۔۔۔۔۔تم نے اس وقت اس اونچی آواز میں۔ ۔۔۔۔۔۔۔۔کبھی بات ہی نہ کی ہوتی

کیا نغمہ و موسیقی کے آلات چھپا کر

ان پر احادیث کی کتابیں ڈھانپ دو گے؟ ۔۔۔۔۔۔اور پھر کیا تم انہیں اپنے گھر کے ہر گوشے میں ہر جگہ ہر حصے میں بلا جھجھک لے جاو گے؟ ۔۔۔۔۔۔۔۔۔یا پھر انہیں اپنا گھر دکھانے سے پہلے ہی

یہ سب چھپانے دوڑ جاو گے؟

میں حیران ہوں۔ ۔۔۔۔۔۔اگر۔ ۔۔۔۔۔۔

محمدصَلَّى اللّٰهُ عَلَيْهِ وَسَلَّم

ایک یا دو دن تمہارے ساتھ رہنا چاہیں۔ ۔۔۔۔۔۔تمہاری ذات تمہارے خاندان کو یہ اکرام دینا چاہیں

کیا تم اپنے معمول کے مطابق کام کر پاو گے

وہی الفاظ جو کہتے ہو کہ پاو گے؟۔۔۔۔۔۔۔کیا تمہاری زنرگی کے روز و شب بر قرار رہ سکیں گے؟

کیا تمہارے گھر کی روزمرہ کی گفتگو۔ ۔۔۔۔۔۔ویسے ہی جاری رہ سکے گی؟ یا تمہارے لیے ان کے ساتھ

کھانا کھاتے ہوے

کھانے کی دعائیں پڑھنا بھی مشکل ہو جائیں گی؟ ۔۔۔۔۔۔۔تمہیں نمازیں ٹال کر سو جانا یاد رہے گا؟

تمہیں خوشی کے ساتھ رب کے دربار میں۔ ۔۔۔۔بار بار جھکنا یاد رہے گا؟

جو گیت اور نغمے اکثر گنگناتے ہو؟ ۔۔۔۔وہی گنگنا پاو گے؟

وہی کتابیں وہی رسالے جو پڑھتے ہو پڑھ پاو گے؟ ۔۔۔۔۔انہیں بتا سکو گے کہ تمہاری سوچ

اور تمہارے خیالات اور تمہاری نگاہیں۔ ۔۔۔۔کہاں کہاں کس کس کو کہاں کہاں ٹٹولتی ہیں؟

انہیں بتا پاو گے؟ کہ جو سب کچھ۔ ۔۔۔۔۔تمہاری روح تمہارے وجود میں سمایا ہوا ہے؟

کیاہر اس جگہ جہاں تم جاتے ہو

محمدصَلَّى اللّٰهُ عَلَيْهِ وَسَلَّم کو اپنے ہمراہ لے جا سکو گے؟

اپنے ہر ساتھی ہر ملنے والے سے انہیں ملوا پاو گے؟ ۔۔۔۔۔۔۔یا چاہو گے کہ ان کے قیام تک

یہ سب تم سے دور ہی رہیں؟ ۔۔۔۔۔اور اگر وہ صَلَّى اللّٰهُ عَلَيْهِ وَسَلَّم

ساری عمر تمہارے ساتھ رہنا چاہیں۔ ۔۔۔۔۔۔۔تو کیا تم تمام عمر کے لئے

انہیں( صَلَّى اللّٰهُ عَلَيْهِ وَسَلَّم )اپنا مہمان بنا پاو گے؟

ِیا پھر ایک آزادی اور اطمینان کا سانس لو گے؟ جب آخرکار وہ صَلَّى اللّٰهُ عَلَيْهِ وَسَلَّم  اک دن آئے

تمہارے گھر سے وہ واپس لو ٹ جائیں۔ ۔۔۔۔کیا یہ تصور یہ خیال خو شگوار نہیں ہو گا؟

اگر میں جاننا چاہوں کہ تم اس وقت کیا کرو گے؟ جب

محمدصَلَّى اللّٰهُ عَلَيْهِ وَسَلَّم

کچھ دن کچھ وقت

تمہارے ساتھ گزارنے کے لئے۔ ۔۔۔۔۔۔اپنی امت کے احوال کی آگہی کے لئے

اپنی امت کی خیر خواہی کے لئے۔ ۔۔۔۔۔۔تمہارے گھر مہمان رہیں!

 اگر سیدنا محمد رسول اللہ صَلَّى اللّٰهُ عَلَيْهِ وَسَلَّم  اک دن تم سے ملنے آ جائیں